Við hæfi er að ljúka árinu á Sýslinu með myndasyrpu úr stórbrotinni, fjölmennri og góðmennri gamlársdagsveislu Ödda og Stínu (Ásgeirs Stefánssonar og Kristínar Alfreðsdóttur) í Grafarvogi í dag. Hann er Dalvíkingur af Böggvistaðakyni, hún er úr Hrísey. Það er því ekki svo að allir Hríseyringar hafi sett upp svip forðum og ekki viljað sameinast Dalvíkingum.

Margt mætti segja um veisluna en myndirnar segja muna meira en nokkur orð. Þarna gott fólk, góður matur og mikil stemning. Meira að að segja dró húsbóndinn upp leirflösku með kínversku hrísgrjónabrennivíni. Það var til bóta og var samt allt gott fyrir.

Svarfdælasýsl óskar lesendum sínum alls góðs á nýju ári og þakkar samfylgdina á árinu 2015.