Jarðbrú og Brekkukot sumarið 1955. Ljósmyndarinn, Þórir Jónsson. stendur við Húsabakkaskóla nýreistan.
Lýst er eftir nöfnum drengja tveggja sem festust á mynd á Jarðbrúarhlaði 1955-1956. Eftirgrennslan hefur engan árangur borið og rannsókn málsins barst meira að segja inn í hóp brottfluttra Ólafsfirðinga sem hámuðu í sig siginn fisk og selspik á Sægreifanum í dag (31. okt. – nýjar upplýsingar í lok kaflans!). Lesa meira
Timburilmur í lofti, tölvustýrðar græjur á gólfi, gluggar og hurðir á mismunandi stigum smíða hingað og þangað um salinn að Kaplahrauni 17 í Hafnarfirði. Við erum komin í ríki Elfu Matthíasdóttur og Jóns Gunnarssonar, þvottekta Dalvíkinga sem fluttu suður forðum til að hreinsa og strjúka klæði en sneru síðar við blaðinu og sjá nú þurfandi fyrir gluggum og hurðum á Suðvesturhorninu og jafnvel á Dalvík og í Noregi líka! Lesa meira
Flatbrauðið í svarfdælsku bakaríi að Bæjarlind 1 þykir sérstakt og gott, enda koma sumir viðskiptavinir langt að til að ná sér í flatar kökur og fleira ljúfmeti. Uppskriftin barst suður úr bakaríinu á Dalvík og en er reyndar ekki svarfdælsk. Uppruninn var vel varðveitt leyndarmál dalvískra bakara en Sýslið segir nú söguna alla. Sama hvaðan gott kemur. Sunnlensk flatbrauð, sem ættleitt var á Dalvík forðum, er nú eitt helsta sérkenni fjölskrúðugrar brauðaflóru Kökuhornsins í Kópavogi.
Rekstrarstjóri Havfisk ASA, langstærsta útgerðarfyrirtækis Noregs, er svarfdælskur að ætt og uppruna.
Ari Theodór Jósefsson fæddist á Akureyri, bjó fyrstu árin í Ólafsfirði og á Dalvík, fluttist til Svíþjóðar átta ára og þaðan aftur til Akureyrar en hefur dvalið í Noregi frá 1991 þegar hann hóf nám í sjávarútvegsfræðum. Hann segist vera Dalvíkingur og ekkert annað ef spurt er: hvaðan ertu?
Lesa meira
Svarfdælasýsl 