Svarfdælasýsl á Lokakaffi

Staðlað

Hallur Steingrímsson frá Ingvörum, Karl Sævaldsson, Júlli Jónasar og Hrönn, vert og textílhönnuður, á samkomunni á Loka 9. mars.

Svarfdælingar á höfuðborgarsvæðinu og viðhengi þeirra koma gjarnan saman að kveldi fyrsta föstudags í mánuði yfir vetrartímann, sötra öl eða kaffi, og ræða málin. Þetta hófst á krá í Kópavogi veturin 2010-2011, að frumkvæði Hauks Sigvalda og Sindra Más Heimissonar, en í vetur hefur vettvangurinn verið Café Loki – þetta notalega veitingahús efst á Skólavörðuholtinu undir vegg sjálfrar Hallgrímskirkju. Það á auðvitað sérlega vel við að Svarfdælir komi saman einmitt þarna, því Svarfdælingurinn Þórólfur Antonsson rekur staðinn ásamt eiginkonunni, Hrönn Vilhelmsdóttur textílhönnuði. Og undir þessu sama þaki starfar Hrönn að listsköpun sinni og list hennar setur svip á staðinn, sem og auðvitað það sem á borð er borið í nafni matargerðarlistarinnar.

Svarfdælingar hittust á Loka föstudagskvöldið 9. mars, sem auðvitað var ekki fyrsti föstudagur mánaðarins heldur annar í röðinni. Það var af praktískum ástæðum en meginreglan er og verður sem sagt fyrsta föstudagskvöldið. Það var ekki sérlega margtmennt í þetta sinn en afskaplega góðmennt og sumir sveitungar ráku þar inn nefið í fyrsta en væntanlega ekki í síðasta sinn. Loki breyttist reyndar í Kaffi Lund í tilefni dagsins því vertinn Þórólfur tróð upp með kveðskap eftir sjálft Dalvíkurskáldið Harald Zophoníasson frá Barði og Anna Dóra systir hans las upp úr nýútkominni skáldsögu sinni, Hafgolufólki. Viðstödd var systirin Arna og ættmóðirin Lauga í Lundi, svo samkoman varð í bland Svarfdælingamót og ættarmót Lundar.

Dalvíkingurinn Atli Rafn Kristinsson og Steinunn Aldís Helgadóttir frá Másstöðum.

Sigga Jóns (veifar fjáröflunarsúkkulaði fyrir ABC barnahjálp!), Árni Finnsson og Sindri Már Heimisson.

5 athugasemdir við “Svarfdælasýsl á Lokakaffi

  1. Svakalega flott hjá þér kallinn minn, myndin af Dalnum ( bara einn dalur á Íslandi) alveg sérlega falleg.

  2. Gaman að fylgjast með, þó ég sé ekki í neinum félagsskap Svarfdælinga er ég Svarfdælingur og var alin upp við sögur og fróðleik um fólkið mitt í dalnum. Var einnig oft hjá ömmu og afa,fyrir norðan þau voru bæði Svarfdælingar. Bestu kveðjur til þín Atli Rúnar. -KP.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s